Salungano Salungano

Kale-kale kusini kwa Dondwe ho vha huna munwe mukegulu we a vha a na mugo wa vhudi we a vhadelwa nga nwana wawe wa muvhadi. Mukegulu uyo o vha tshi gogodela mugo uyo. Linwe duvha mukegulu uyo a lwendoni, a wana vhatukana vha tshi khou thakha mahuyu nga matombo. A vha fha mugo wawe uri vha thakhe ngawo mahuyu. Zwenezwo vhatukana vha tshi khou thakha mahuyu, ula mugo wa thakhamela murini. Mukegulu a mbo di ri:

“Ni a tou thakhamedza mugo wanga? Mugo wanga we nda fhiwa nga nwananga. Nwanangwa wa muvhadi”.

Vhatukana Vha Lifha Mugo Nga Fuyu

Mukegulu a bvelaphanda na lwendo lwawe. A swika hunwe fhethu a tangana na musadzi we a vha o beba nwana we a vha a tshi khou lila nga ndala. Mukegulu a dzhia fuyu le a fhiwa nga vhatukana a fha nwana a lilaho uri a le. Fhedzi a humbela uri nwana a le a mu siele. Nwana ula a mbo dzhongondedza fuyu lothe. Mukegulu a mbo di ri:

“Ni a tou dzhongondedza fuyu lothe? Fuyu le nda fhiwa nga vhatukana. Vhatukana vho thakhamedza mugo wanga. Mugo wanga we nda fhiwa nga nwananga. Nwananga wa muvhadi”

Musadzi a Lifha Fuyu Nga Tshitemba

Mukegulu a fhirela phanda. A wana vhasidzana tshisimani vha tshi khou kelela madi nga zwanda vha tshi a shela dzikhalini. A mbo di vha fha tshitemba tshawe uri vha kelele ngatsho. Fhedzi munwe wa vhasidzana a tshi ponyokisa tsha rwa tombo tsha pwashea. Mukegulu a mbo di ri:

“Ni a tou pwasha tshitemba tshanga? Tshitemba tshanga tshe nda fhiwa nga musadzi? Musadzi we nwana wawe a dzhongondedza fuyu langa lothe? Fuyu le nda fhiwa nga vhatukana. Vhatukana vho thakhamedza mugo wanga kha muhuyu. Mugo wanga we nda fhiwa nga nwananga. Nwananga wa muvhadi”

Vhasidzana Vha Lifha Tshitemba Nga Vhulungu

Mukegulu a fhirela phanda. A wana kunwe kusidzana kwe kwa tama vhulungu hawe. Kusidzana kwa humbela u edzisa vhulungu uvho. Musi ku tshi vhona vhulungu vhu tshi ku fanela, kusidzana kwa mbo di shavha naho. Ha mbo di vha u fa ha lungano.