Tshidongo tsha Nama

Ndo bva na tshidongo tsha nama;
Ndi yo la na nnyi? Na Sese;
Sese a tshi bva fhi? Lutanangwa
Fhala ha Nkwaya. Vho kwaya vhavhuya;
Vhavhuya vho la ni? Vho la mutshenzhe;
Mutshenzhe sa lunde. Nda lunda lunda;
Nda nga ndi na tshanga;
Tshanga ndi sina, nda longa mafembo;
Mafembo a zwikala zwa muno;
Zwa bwa mudzi zwa rungunya zwa fhedza;
Zwa sia a madzinginya mateko;
Thenge bu! Lo sala li tshi fa, nda tota fola nda isa ha Lunde;
Lunde a kha di ri mbila dzi lila fhi?
Dzi lila devhethevhe;
Mbudzi dza Vhalemba dzi a fhirithana;
Dzi tshi shavha thengu thengu mavhala;
Mavhala a vho Mbidi na vho Phalaphala.